Абай атындағы көркемсөз оқу шеберлерінің республикалық байқауы өтеді

Өтетін уақыты: 2018 жылғы 14 қыркүйек

Іс-шараның басталуы: сағ: 10.00

Өтетін орны: СҚО Петропавл қаласы Жастар сарайы, Кеншибаева 22

Қазақстан Республикасы Мәдениет және спортминистрлігінің Тіл саясаты комитеті үстіміздегі жылғы 14 қыркүйекте Қазақстан Республикасы Қазақстан Халқы тілдері күніне орай дәстүрлі Абай атындағы көркемсөз оқу шеберлерінің республикалықконкурсын өткізеді.

Конкурстың мақсаты – қазақ тілінің көркемдік ерекшелігін, бай сөздік қорын насихаттау, Абай және басқа да қазақ әдебиеті классиктерінің шығармаларын орындау арқылы қазақтың көркем әдебиетіне жастардың ықыласын арттыруболып табылады.

Абай атындағы көркемсөз оқу шеберлерінің республикалықбайқауына еліміздің облыстарында және Алматы қаласында өткізілген өңірлік конкурстардың 16 жеңімпазы қатысады. Конкурс ережесіне сәйкес үміткерлер:

1) қазақтың белгілі ақындарының көркемдігі жоғары прозалық шығармаларынан үзінді оқиды.

2) Мағжан Жұмабаевтың 125 жылдығына орай поэзиялық шығармаларынан үзінді оқиды;

Конкурс жеңімпаздары дипломдар және бағалы сыйлықтармен марапатталады.