Қазقاز        
Кіру 
Кіру тіркелу

Тәуелсіздік тұғыры - мемлекеттік тіл

Өз тілін өзі білмеген ел – ел болмайды

Халел Досмұхамедұлы

Сөзі жоғалған ұлттың өзі де жоғалады

Ахмет Байтұрсынұлы

Тіл – адам жанының тілмашы

Мағжан Жұмабаев

Тіл тазалығы үшін күрес - ешқашан толастамайтын мәңгілік күрес

Бауыржан Момышұлы

Ана тілін жақсы меңгере алмай тұрып, өзге пәндерді түсіну мүмкін емес

Жүсіпбек Аймауытұлы

Рухани жаңғыру және түркілік руханият

26.4.2019 410
Павлодар қаласында Қазақстан Республикасы Мәдениет және спорт министрлігі Тіл саясаты комитетінің тапсырысымен «Шайсұлтан Шаяхметов атындағы «Тіл-Қазына» ұлттық ғылыми-практикалық орталығы» жылсайынғы «Түркі жазбалары мен мәдениеті күндері» шарасы аясында «Рухани жаңғыру және түркілік руханият» халықаралық ғылыми-практикалық конференциясын өткізді. 

Конференция барысында, Л.Н. Гумилев атындағы ЕҰУ-нің Түркітану, алтайтану ғылыми-зерттеу орталығының директоры ф.ғ.д., Қаржаубай Сартқожаұлы, Қарағанды медицина университетінің Қазақ тілі кафедрасының меңгерушісі, профессоры, ф.ғ.д., Шапағат Жалмаханов, Тараз инновациялық -гуманитарлық университетінің профессоры, «Түркітану және археология» ғылыми-зерттеу орталығының директоры, ф.ғ.д., Қасиет Молғаждаров,
Л.Н. Гумилев атындағы ЕҰУ-нің Қазақ тіл білімі кафедрасының профессоры, ф.ғ.д. Бекжан Әбдуәлиұлы түркі бабаларымыздан қалған көне түркі жазуының түп-тамыры туралы ғылыми зерттеулер жүргізген жұмыстарының нәтижелерін баяндап, Еуразияның ұлы даласын ортақ иеленіп, мекендеген түркі халықтарының әдет-ғұрпы, салт-дәстүрі, өмір сүру дағдылары туралы ғылыми негіздемелер нәтижелері ғылыми ортада талданды. Ұлттық кодты сақтауға бағытталған жаңа әліпбиіге көшу барысындағы ғылыми ізденістер бойынша ғалымдар пікірі ортаға салынды. Ғалымдар түркі жазбалары тарихы, оның өркендеуі, әлеуметтік-экономикалық ахуалға әсері мен қазақ тілінің латын әліпбиіне көшуіне байланысты жаңа емле ержелері жөнінде әдіснамалық тұрғыда ауқымды ойларымен бөлісті.

Конференция жұмысына еліміздің барлық өңірінен түркі жазбалар мен жалпы қазақ жазуының дамуы бағытында ғылыми зерттеулермен айналысып жүрген ғалымдар, жаһандық кезеңдегі қазақ тілінің дамуына үлес қосып жүрген қоғам қайраткерлері, тіл мамандары, Павлодар облыстық жалпы тіл саласына қызығушы азаматтар қатысты. Конференция өнер майталмандарының көңілді ән кешімен аяқталды.

Тегтер: Til-Qazyna, Тіл-Қазына, Латын әліпбиі, Емле ережесі
Авторы: Tilalemi.kz

Сондай-ақ, оқи отырыңыз

45

ақпарат

Кәкен Қамзин: Көркем тіл компьютерлік технологияға есе жібере қоймас

70

ақпарат

Низами Мамедов: «Қобыланды» жырын он бес жыл аудардым

114

ақпарат

Алматы қаласында"Тіл шебері 2019"қалалық конкурсы өз мәресіне жетті!