Қазقاز        
Кіру 
Кіру тіркелу

Тәуелсіздік тұғыры - мемлекеттік тіл

Өз тілін өзі білмеген ел – ел болмайды

Халел Досмұхамедұлы

Сөзі жоғалған ұлттың өзі де жоғалады

Ахмет Байтұрсынұлы

Тіл – адам жанының тілмашы

Мағжан Жұмабаев

Тіл тазалығы үшін күрес - ешқашан толастамайтын мәңгілік күрес

Бауыржан Момышұлы

Ана тілін жақсы меңгере алмай тұрып, өзге пәндерді түсіну мүмкін емес

Жүсіпбек Аймауытұлы

Көркемсөз оқу шеберлері анықталды

20.9.2019 344
Қазақстан Республикасы Мәдениет және спорт министрлігінің Тіл саясаты комитеті Қазақстан Республикасы Қазақстан Халқы тілдері күніне орай Талдықорған қаласында дәстүрлі Абай атындағы көркемсөз оқу шеберлерінің республикалық байқауын өткізді.

Көркемсөз оқу шеберлерінің республикалық байқауына Нұр-Сұлтан, Алматы, Шымкент қалалары мен облыстық іріктеуден жеңген 16 үміткер қатысты.


Көркемсөз оқудың шеберлері ақтық сайыста екі айналым бойынша бақ сынасты. Бірінші айналымда прозалық шығармалардан үзінді оқыса, келесі кезеңде поэзия жанрында өнерлерін ортаға салды. Бейімбет Майлиннің, Сәкен Сейфуллиннің көркемдігі жоғары прозалық шығармаларынан үзінді оқып, Сәбит Дөнентаевтың, Ілияс Жансүгіровтың және Фариза Оңғарсынованың поэзиялық шығармаларынан оқылған жыр дестелері көпшілік ілтипатына бөленді.

Таза үн, ашық дауысымен Айжан Алхабек, Айсана Әшімхан,Мәди Сәулебек, Ерлан Нұрланов, Әлия Болатова, Ербақ Құрметжан көрермен көзайымына айналды.


Байқау қатысушыларының шеберлігін кәсіби тұрғыда белгілі ақын, Мемлекеттік сыйлықтың иегері Тыныштықбек Әбдікәрім, әдебиет сыншысы Тұрсынжан Шапай, дәстүрлі әнші Ерлан Рысқали, театр, кино және дубляж актері Азамат Шарын, профессор, филология ғылымдарының докторы Мұратбек Иманғазинов бағалады. Қазылар шешімімен бас жүлде елордалық Айжан Алхабекке бұйырды. Ал, І орынды шымкенттік Мәди Сәулебек иемденді. ІІ орынды Керекулік Ербақ Құрметжан еншілесі, ІІІ орынды Әлия Болатова (Қызылорда) мен Айсана Әшімхан (Шығыс Қазақстан) өзара бөлісті.

Байқау қатысушыларына алғысхат, жеңімпаздарға дипломдар мен бағалы сыйлықтар табысталды.

Тегтер: Абай, Абай 175 жыл, Алматы, байқау, Фариза Оңғарсынова
Авторы: "Тіл әлемі" ақпарат

Сондай-ақ, оқи отырыңыз

63

ақпарат

Ұлт тілі мен әліпбиі

225

ақпарат

Тұңғыш рет тіл форумы өтеді

69

ақпарат

«Іс жүргізу және аударма» атты облыстық семинар өтті