Тәуелсіздік тұғыры - мемлекеттік тіл

Өз тілін өзі білмеген ел – ел болмайды

Халел Досмұхамедұлы

Сөзі жоғалған ұлттың өзі де жоғалады

Ахмет Байтұрсынұлы

Тіл – адам жанының тілмашы

Мағжан Жұмабаев

Тіл тазалығы үшін күрес - ешқашан толастамайтын мәңгілік күрес

Бауыржан Момышұлы

Ана тілін жақсы меңгере алмай тұрып, өзге пәндерді түсіну мүмкін емес

Жүсіпбек Аймауытұлы

«Терминологиялық сөздіктер: сараптау және сапасын арттыру мәселесі» атты семинар өтеді

23.6.2020 271
«Терминологиялық сөздіктер: сараптау және сапасын арттыру мәселесі» атты семинар өтеді

2020 жылдың 29 маусымында Нұр-Сұлтан қаласында Қазақстан Республикасы Мәдениет және спорт министрлігі Тіл саясаты комитеті Ш.Шаяхметов атындағы «Тіл-Қазына» ұлттық ғылыми-практикалық орталығының ұйымдастыруымен «Терминологиялық сөздіктер: сараптау және сапасын арттыру мәселесі» атты әдістемелік онлайн семинар өтеді.

Салалық терминологияны дамытуда ескерілетін қазіргі қазақ терминологиясының өзекті мәселелерінің бірі - терминологиялық сөздіктер.

Ғылыми қауым үшін қазіргі шығып жатқан және осы уақытқа дейін шығарылған терминологиялық сөздіктердің төңірегінде өзекті мәселелердің бары айқын. Атап айтқанда, сөздіктердегі терминдердің көбісінің шеттілдік термин қалпында берілуі, қазақ тілінің заңдылығына сәйкес игерілмеуі және т.б.Сондықтан да шығарылып жатқан терминологиялық сөздіктердің сапасын арттыру өзекті мәселе болып табылады.

Онлайн-семинардың мақсаты – терминологиялық сөздіктердің қолданыс аясын кеңейту жолдары, терминологиялық сөздік құрылымындағы жүйелілік, терминдердің сөздік құрылымында дұрыс берілуі, кірме терминдердің сөздіктерде берілуіндегі қиындықтар т.б. өзекті мәселелерді талқылап, шешу жолдарын ұсыну.

Онлайн-семинарға филология ғылымдарының кандидаты, доцент Сәрсенбай Қуантайұлы Құлманов, филология ғылымдарының кандидаты, доцент Ақбота Тұрағұлқызы Қоңырова, педагогика ғылымдарының магистрі, терминші Серік Әбдірешұлы Ерғали қатысады.

Іс-шараны сала мамандары, филологтар мен жоғары оқу орнының студенттері, жалпы жұртшылық termincom.kz сайтының ютубтағы каналынан және zoom бағдарламасы арқылы көре алады. Қатысушылар онлайн режімде баяндамашыларға сұрақтарын қойып, тақырып бойынша өз ойларын ортаға салып талқылай алады.


Өтетін орны: Ш.Шаяхметов атындағы «Тіл-Қазына» ұлттық ғылыми-практикалық орталығы, Сауран көшесі, 7а.

Басталуы: сағат 15.00.


Тел.: 8 (7172) 27-30-42, 8(702)3840277

е-mail: orazgul-astana@mail.ru

Тегтер: Термин, Терминологиялық сөздік, Тіл-Қазына, Терминология
Авторы:

Сондай-ақ, оқи отырыңыз

32

ақпарат

«Sozdikqor.kz» ПОРТАЛЫ ТУРАЛЫ НЕ БІЛЕСІЗ?

125

ақпарат

АБАЙ АЙТҚАН ҚҰНЫ АЛТЫН СӨЗ ЗЕРЕГІ…

100

ақпарат

БАЙҚАУҒА ДЕГЕН ЫНТА ЖОҒАРЫ