Тәуелсіздік тұғыры - мемлекеттік тіл

Өз тілін өзі білмеген ел – ел болмайды

Халел Досмұхамедұлы

Сөзі жоғалған ұлттың өзі де жоғалады

Ахмет Байтұрсынұлы

Тіл – адам жанының тілмашы

Мағжан Жұмабаев

Тіл тазалығы үшін күрес - ешқашан толастамайтын мәңгілік күрес

Бауыржан Момышұлы

Ана тілін жақсы меңгере алмай тұрып, өзге пәндерді түсіну мүмкін емес

Жүсіпбек Аймауытұлы

ЭТНОС ӨКІЛДЕРІ АРАСЫНДА ӨТКЕН «МЕН ҚАЗАҚША СӨЙЛЕЙМІН» АКЦИЯСЫ ҚОРЫТЫНДЫЛАНДЫ

8.9.2021 485
Мемлекет басшысы Қасым-Жомарт Кемелұлы Тоқаев Қазақстан халқына Жолдауында: «Қазақ тілін дамыту мемлекеттік саясаттың басым бағытының бірі болып қала береді», – деді. Президент мемлекеттік тілді оқып, үйренудің, қазақ тілін ғылым мен мәдениет тіліне айналдырудың аса маңызды екенін баса айтты. «Мен қазақша сөйлеймін» республикалық акциясы қазақ тілінің дамуына үлес қосып жүрген этнос өкілдерін біріктірді.

8 қыркүйекте акцияның VІ кезеңіне қатысқан құқық қорғау органдары қызметкерлерін марапаттау рәсімі өтті.

Қазақстан Республикасы Тәуелсіздігінің 30 жылдығын мерекелеу шеңберінде өткізілген бұл шараға еліміздің 15 өңірінен 66 құқық қорғау органдарының қызметкерлері қатысты.

Белгілі қазақ ақындарының туған ел, туған жер, ана тілі тақырыбындағы жыр жауһарларынан үзінділерді мәнерлеп жатқа оқыған 17 этнос өкілдерінің көпшілігінің таңдауы биыл 90 жылдығы тойланып жатқан ақын Мұқағали Мақатаевтың шығармалары болды.

Қатысушылар арасында орыс ұлтының өкілдері ерекше белсенділік танытты (28 қатысушы). Өзбек, татар, неміс, әзербайжан ұлттарының өкілдері де қалыс қалмады.

Шараға қатысушылардың басым көпшілігі Ақмола, Ақтөбе, Түркістан, Шығыс-Қазақстан облыстарынан.

Instagram әлеуметтік желісіне орналастырылған барлық материалдарды мұқият зерделеген қазылар алқасы келесі шешім шығарды:

Бас жүлде: Александр Борисов, Ақтөбе облысы;

І орын: Александр Авдонин, Солтүстік Қазақстан облысы;

ІІ орын: Мехти Назаров, Нұр-Сұлтан қ.;

ІІІ орын: Карина Карташова, Жамбыл облысы және Имран Мамедов, Ақмола облысы.

Ынталандыру дипломдарымен Александр Ершов (БҚО), Диана Уразалиева (Түркістан облысы), Евгений Пивень (Нұр-Сұлтан қ.), Шералы Абдурасилов (Түркістан облысы), Алексей Баландин (ШҚО) марапатталды.

Естеріңізге сала кетейік, акцияның алғашқы үш кезеңіне 710 адам қатысты.

Қатысушылардың материалдары Instagram желісінде #менқазақшасөйлеймін2021 хештегі бойынша қолжетімді.

Тегтер: Республикалық акция, мен қазақша сөйлеймін, этнос өкілдері
Авторы:

Сондай-ақ, оқи отырыңыз

59

ақпарат

Халықаралық ғылыми-практикалық конференция өтті

96

ақпарат

​Қазақ тіліндегі ІТ жобалармен 6000 педагог танысты

54

ақпарат

Қазіргі қазақ романы қай деңгейде?